Madridning  «Real» klubi Ispaniya chempionati 30-turida «Sevilya»ni o'z maydonida qabul qildi va yirik hisobda g'alabaga erishdi.
Uchrashuvda 4:0 hisobi qayd etilgan. Birinchi bo'limning 6-daqiqasida Benzema hisobni ochdi va tanaffusga qadar ushbu hisob saqlanib turdi. Uchrashuvning 27-daqiqasida tarozi pallasi «Sevilya» tomon og'ishi mumkin edi. Hakam madridliklar darvozasi tomon penalti belgiladi, ammo Keylor Navas andalusiyaliklar futbolchisi Gameyro tomonidan yo'llangan zarbani qaytarishga muvaffaq bo'ldi.
Ikkinchi bo'limda Krishtianu Ronaldu va Garet Beyl bittadan gol urgan bo'lsa, zaxiradan maydonga tushgan Xese ham gol kiritdi va jamoasining g'alabasini ta'minlab berdi.
Ispaniya chempionati
30-tur
Real Madrid – Sevilya 4:0 (1:0, 3:0)
Gollar:  1:0 – 6 Benzema, 2:0 – 64 Ronaldu, 3:0 – 66 Beyl, 4:0 – 86 Xese.
Real Madrid – Navas, Danilo, Varan, Nacho, Marselo, Kroos, Kazemiro (Xames, 76), Modrich, Beyl (Xese, 70), Benzema (Isko, 81), Ronaldu.
Sevilya – Riko, Koke, Rami, Kolodzeychak, Tremulinas, Figeyrash (Reyes, 46), Krixovyak, Kristoforo (Mariano, 72), Eskudero, Iborra (Munos, 71), Gameyro.
Ogohlantirishlar:  Varan (26), Kazemiro (54), Reyes (57), Krixovyak (62).

— deya xabar beradi uff.uz nashri.