Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
Dilshod Turdiev Rio-2016 Olimpiada o'yinlariga yo'llanmani qo'lga kiritdi
Yunon-rim kurashi bo'yicha O'zbekiston terma jamoasi a'zosi Dilshod Turdiev Qozog'istonning Astana shahrida shu yili Rio-de-Janeyro shahrida o'tkaziladigan XXXI yozgi Olimpiada o'yinlariga yo'llanmalar o'ynalayotgan Osiyo saralash turnirida kumush medalga sazovor bo'lib, “Rio-2016” o'yinlariga yo'llanmani qo'lga kiritdi.
Og'irlik vazni 75 kg.gacha bo'lgan polvonlar musobaqasida gilamga tushgan tajribali sportchimiz chorak finalda yaponiyalik Shoxey Yabikuni 9:0, yarim finalda qirg'izistonlik Atabek Azisbekovni 5:4 hisobida mag'lub etib, hal qiluvchi finalga chiqdi.
Qoidaga ko'ra, ushbu turnirda finalga qadar etib kelgan sportchilar Olimpiada o'yinlari yo'llanmasini qo'lga kiritishadi. O'z oldiga qo'ygan asosiy maqsadga erishgan Dilshod hal qiluvchi bellashuvda koreyalik Xyonvu Kimga imkoniyatni boy berdi va kumush medal sovrindori bo'ldi.
Ikkinchi kungi musobaqalarda gilamga tushgan hamyurtlarimizdan yana biri Mo'minjon Abdullaev (-130 kg) ham “Rio-2016” yo'llanmasini qo'lga kiritishga juda yaqin keldi. Chorak finalda yaponiyalik Arata Sonodani 6:0 hisobida mag'lub etgan polvonimiz, yarim finalda qirg'izistonlik Murat Ramonovga imkoniyatni boy berib qo'ydi. Uchinchi o'rin uchun kechgan bahsda esa tojikistonlik Murodjon To'ychievdan ustun kelib, bronza medali sovrindori bo'ldi.
Eslatib o'tamiz, birinchi kungi bahslarda Rashid Qurbonov (-74 kg, erkin kurash), Zuhra Mastonova (-53 kg, ayollar kurashi) va jarohat olgan Elmarat Tasmuratov o'rniga bahslarga kirishgan Feruz To'xtaev (-59 kg, yunon-rim kurashi) bronza medallariga sazovor bo'lgan edilar.
Shu tariqa, qit'aviy saralash musobaqalarining ikki kunlik yakunlariga ko'ra hamyurtlarimiz tomonidan 1 ta kumush va 4 ta bronza medallari qo'lga kiritildi.
20 mart kuni hamyurtlarimizdan olti nafari Olimpiada o'yinlarining yo'llanmalari uchun bahslarga kirishadilar. Bular, Nurbek Xolmuhammatov (-66 kg), Jahongir Turdiev (-98 kg, har ikkisi yunon-rim kurashi), Umidjon Ismanov (-86 kg) va Hasanboy Rahimov (-125 kg, har ikkisi erkin kurash), dauletbike Yaxshimuratova (-48 kg) hamda Nilufar Gadoeva (-63 kg). Barcha yurtdoshlarimizga bo'lajak bellashuvlarda omad va zafarlar tilab qolamiz.
Shavkat Jalilov
O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.
Og'irlik vazni 75 kg.gacha bo'lgan polvonlar musobaqasida gilamga tushgan tajribali sportchimiz chorak finalda yaponiyalik Shoxey Yabikuni 9:0, yarim finalda qirg'izistonlik Atabek Azisbekovni 5:4 hisobida mag'lub etib, hal qiluvchi finalga chiqdi.
Qoidaga ko'ra, ushbu turnirda finalga qadar etib kelgan sportchilar Olimpiada o'yinlari yo'llanmasini qo'lga kiritishadi. O'z oldiga qo'ygan asosiy maqsadga erishgan Dilshod hal qiluvchi bellashuvda koreyalik Xyonvu Kimga imkoniyatni boy berdi va kumush medal sovrindori bo'ldi.
Ikkinchi kungi musobaqalarda gilamga tushgan hamyurtlarimizdan yana biri Mo'minjon Abdullaev (-130 kg) ham “Rio-2016” yo'llanmasini qo'lga kiritishga juda yaqin keldi. Chorak finalda yaponiyalik Arata Sonodani 6:0 hisobida mag'lub etgan polvonimiz, yarim finalda qirg'izistonlik Murat Ramonovga imkoniyatni boy berib qo'ydi. Uchinchi o'rin uchun kechgan bahsda esa tojikistonlik Murodjon To'ychievdan ustun kelib, bronza medali sovrindori bo'ldi.
Eslatib o'tamiz, birinchi kungi bahslarda Rashid Qurbonov (-74 kg, erkin kurash), Zuhra Mastonova (-53 kg, ayollar kurashi) va jarohat olgan Elmarat Tasmuratov o'rniga bahslarga kirishgan Feruz To'xtaev (-59 kg, yunon-rim kurashi) bronza medallariga sazovor bo'lgan edilar.
Shu tariqa, qit'aviy saralash musobaqalarining ikki kunlik yakunlariga ko'ra hamyurtlarimiz tomonidan 1 ta kumush va 4 ta bronza medallari qo'lga kiritildi.
20 mart kuni hamyurtlarimizdan olti nafari Olimpiada o'yinlarining yo'llanmalari uchun bahslarga kirishadilar. Bular, Nurbek Xolmuhammatov (-66 kg), Jahongir Turdiev (-98 kg, har ikkisi yunon-rim kurashi), Umidjon Ismanov (-86 kg) va Hasanboy Rahimov (-125 kg, har ikkisi erkin kurash), dauletbike Yaxshimuratova (-48 kg) hamda Nilufar Gadoeva (-63 kg). Barcha yurtdoshlarimizga bo'lajak bellashuvlarda omad va zafarlar tilab qolamiz.
Shavkat Jalilov
O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.
Bosh sahifaga
504