Angliyaning "Everton" klubi hujumchisi Romelu Lukaku yozda Madridning "Real" jamoasi o'yinchisiga aylanishi mumkin. The Sun nashrining xabar berishicha, "Qirollik klubi " belgiyalik o'yinchi uchun 60 million funt sterling atrofida to'lashga tayyor. Madridliklarning skautlari ushbu mavsum davomida 22 yoshli hujumchining o'yinlarini kuzatganlar va ko'rganlaridan mamnun qolganlar. Manba bergan ma'lumotga ko'ra, "Real" klubi vakillari Lukakuning agenti Rayola bilan aloqaga chiqishgan. Ushbu mavsumda futbolchi Angliya chempionatida 29 ta o'yin o'tkazgan, ularda 18ta gol kiritgan va 6ta golli uzatmaga mualliflik qilgan.
— deya xabar beradi uff.uz nashri.