“Manchester Siti” jamoasining bo'lajak bosh murabbiyi Pep Gvardiola yangi klubdagi ilk o'yinini “Manchester Yunayted”ga qarshi o'tkazishi mumkin. Bu haqida BBC jurnalisti Saymon Stoun xabar bermoqda.    Jurnalistning so'zlariga qaraganda, 2016/17 yilgi mavsum oldidan an'anaviy tarzda o'tkaziladigan o'rtoqlik musobaqasida International Champions Cup Manchester shahri klublari katta ehtimol bilan o'zaro to'qnash keladi. Shuningdek, agar “MYu” bosh murabbiyi lavozimini Joze Mourino egallasa, portugaliyalik uchun ham bu ilk o'yin bo'lishi mumkin.   International Champions Cup o'rtoqlik turniri bu safar Xitoyda bo'lib o'tishi ko'zda tutilgan.  
— deya xabar beradi uff.uz nashri.