Deyarli hamma mundialda ishtirok etadigan jamoalar qaysi kuni va qaysi stadionda o'ynashidan xabardor. CHiptalar soni esa borgan sari kamaymoqda. Ammo siz aslo qayg'urmang. Ularni sotib olish uchun hali imkoningiz bor.
CHorshanba kuni biletlar sotuvining so'nggi bosqichi boshlanadi. Ularni onlayn ravishda sotib olish mumkin. 1 maydan esa ular FIFA chiptalar bo'yicha ishlash markazlarida joylashgan kassalarda sotilishi rejalashtirilgan. Ha, agar u vaqtgacha biletlar qolsa albatta...
FIFA sotuvining dastlabki kunida 1 698 049ta chipta o'z egasini topgani haqida malumot berdi. CHiptalarning katta qismi (796 875ta) Rossiyaga yuborilgan. Boshqa davlatlardan AQSH (80 161), Braziliya (65 863), Kolumbiya (60 199), Germaniya (55 136), Meksika (51 736), Argentina (44 882), Peru (38 544), Xitoy (36 841), Avstraliya (34 628) va Angliya (30 711)ga chiptalar yuborildi. Eslatib o'tamiz, AQSH va Xitoy terma jamoalari mundialda ishtirok etmaydi.
CHIPTALAR NARXI QANCHA?
“Lujniki” va “Krestovskiy” stadionlariga kirish narxi quyidagicha:
To'rtinchi kategoriyadagi biletlar faqat Rossiya fuqarolari uchun
Hozir qanday biletlarni sotib olish mumkin?
Malum bir uchrashuvlar uchun chiptalarni sotib olish mumkin. Qaysidir stadion yoki jamoaning o'yini uchun band qilinuvchi biletlar mavzusi aktual emas.
FIFA nogiron, kam harakat va ortikcha vaznga ega odamlar uchun ham bir qancha joy va maxsus biletlar ajratgan. Bunday biletlarni sotib olish uchun “maxsus toifadagi shaxslar uchun chiptalarni ko'rsatish” bandini tanlash zarur.
Nechta bilet sotib olish mumkin?
Eng ko'pi 28ta. Bir kishi istalgan turga oid eng ko'pi 4ta chipta sotib olishi mumkin.
Bitta o'yinga bir necha marotaba chipta uchun buyurtma berish taqiqlangan. Bundan tashqari, bir kunning o'zida ikkita o'yinga borish ham mumkin emas. Ha, balki siz jismonan ulguraman dersiz, ammo nima ham derdik, talab shunday!
Qaysi o'yinlarga borish imkoningiz bor?
FIFAning rasmiy saytida turli kategoriyaga oid biletlar narxi aks etgan jadval berilgan maxsus bo'lim bor. U xaridorlarni faqat chiptalarga bo'lgan talab va sotilgan chiptalar darajasidan xabardor qiladi. Biroq siz ariza berayotgan pallada o'yinga chipta bor yoki yo'qligiga kafolat bermaydi.
Agar jadvalga ishonadigan bo'lsak, hozirgi vaqtda guruh bosqichining bor yo'g'i 12 o'yiniga “qizil toifa” chiptalari qolgan xolos: Misr– Urugvay (1-kategoriya), Marokko – Eron (2), Franciya – Avstraliya (3), Peru – Daniya (3), Argentina – Islandiya (1), Xorvatiya – Nigeriya (2), Braziliya – SHveycariya (3), Kosta-Rika – Serbiya (1), SHveciya – Janubiy Koreya (2), Tunis – Angliya (4), Portugaliya – Marokko (4), Serbiya – SHveycariya (1).
Ehtimol, vaziyat yana o'zgarar?!
Nima qilish kerak?
Buning uchun siz FIFA saytida ro'yxatdan o'tishingiz kerak (Facebookdagi shaxsiy sahifa orqali ham kirish mumkin). SHundan so'ng, o'zingiz va boshqa xaridorlar (masalan, tanishingiz yoki qarindoshingiz)ning shaxsiy malumotlarini kiritishingiz kerak.
To'lovni qay tarzda amalga oshirish kerak?
To'lov kartalari yoki bank orqali pul o'tkazishingiz mumkin. Muximi: Albatta o'z kartangiz orqali pul o'tkazing. CHunki bilet sotib oluvchi shaxs bilan pul o'tkazuvchining ism sharifi bir xil bo'lishi shart.
Qaerdan olish mumkin?
Ularda kurerlar faoliyat yuritmaydi. Biletlarni faqatgina chempionat bo'lib o'tayotgan shaharlarning maxsus rasmiy kassalaridan olib ketish mumkin. Ular 18 apreldan turnirning final uchrashuv kunigacha ishlaydi. Yana ham to'liqroq malumotlarni mundialga yaqin bilib olishingiz mumkin.
Siz hali Jahon CHempionatini o'z ko'zingiz bilan, bevosita stadiondan tomosha qilishingiz mumkin. CHiptalar sotuvining so'nggi bosqichi chorshanba, 18 aprel 13:00da boshlandi. Qani olg'a!
Zaripova Nozima tarjima qildi
Bosh sahifaga
221